ຣີວິວໂທລະສັບມືຖື & ເທັກໂນໂລຊີ

ໂທລະສັບມືຖື SAMSUNG GALAXY S7 EDGE: ມີຂອບຄືລຸ້ນກ່ອນໜ້ານີ້?

Galaxy S7 Edge ຍັງຄົງຮັກສາຄວາມໂດດເດັ່ນຂອງການອອກແບບຈາກແກ້ວ ແລະ ອະລູມີນຽມທີ່ດີ ເຊິ່ງເປັນທີ່ຮູ້ຈັກຈາກລຸ້ນກ່ອນ, Galaxy S6 Edge. ແຕ່ທີ່ບໍ່ຄື S6 Edge ແມ່ນ ແກ້ວດ້ານຫຼັງຂອງ S7 Edge ມີຂອບໂຄ້ງ ຄືກັບ 3D.

WANT TO READ IN ENGLISH LANGUAGE? Click here.

ນອກຈາກນີ້, ສ່ວນດ້ານໜ້າຂອງໂທລະສັບມືຖືມີຈໍໂຄ້ງແບບ 3D thermoformed dual ແລະ ຍັງມີປຸ່ມໂຮມ ທີ່ສາມາດສະແກນນິ້ວມືໄດ້ນຳ. ເຖິງແມ່ນວ່າການສະແກນແມ່ນໄວຫຼາຍ, ມັນພັດບໍ່ສະແກນນິ້ວເມື່ອຈໍປິດ, ບໍ່ຄືກັບໂທລະສັບລະບົບ android ລຸ້ນອື່ນໆ.

ເໜືອໜ້າຈໍດ້ານເທິງຂຶ້ນໄປກໍຈະເປັນກ້ອງໜ້າຂອງ Galaxy S7 Edge ທີ່ສາມາດຖ່າຍຮູບເຊລຟີໄດ້ກວ້າງແບບບໍ່ ມີຂອບ ເພື່ອໃຫ້ໄດ້ຮູບແບບເຕັມໆ. ຖ້າຖ່າຍຕອນບໍ່ມີແສງເດ? #ບໍ່ມີບັນຫາ! ມັນມາພ້ອມກັບໂຫມດແຟລຊທີ່ຈະ ຊ່ວຍທ່ານຖ່າຍຮູບໄດ້ໃນເຂດແສງໜ້ອຍ ຫຼື ບ່ອນທີ່ມືດ! ຂະໜາດວ່າກ້ອງໜ້າຊື່ໆໃດ໋ນິ! ສ່ວນກ້ອງຫຼັງຍັງມີຕົວ ເລືອກແສງໜ້ອຍໂດຍໃຊ້ຮູຮັບແສງຕ່ຳເພື່ອໃຫ້ໄດ້ຮູບພາບທີ່ແຈ້ງຂຶ້ນພາຍໃຕ້ແສງສະຫລົວ. ມັນມາພ້ອມກັບ ແຟລຊ LED ທີ່ເຂົ້າກັນ ແລະ ເຊັນເຊີອັດຕາການເຕັ້ນຂອງຫົວໃຈເຊັ່ນດຽວກັນ.

ຖ້າຄວາມຈໍາຂອງມືຖືບໍ່ພຽງພໍ, ມືຖື Samsung Galaxy 7 ມີຄວາມຈໍາເພີ່ມຂຶ້ນເຖິງ 256GB ຂອງເນື້ອທີ່ກາດ microSD. ມັນຫຼາຍກວ່າແລັບທ໋ອບບາງລຸ້ນທີ່ອອກມາໃຫ້ເຫັນໃນປະຈຸບັນຊ້ຳ!

ນອກຈາກຈຸດເດັ່ນໆເຫຼົ່ານີ້, ມືຖື Samsung Galaxy S7 Edge ແມ່ນຍັງສາມາດກັນຝຸ່ນ ແລະ ນໍ້າ. ສະນັ້ນ, ທ່ານບໍ່ຕ້ອງເປັນຫ່ວງກ່ຽວກັບວ່າມືຖືຈະດັບໃນຂະນະທີ່ທ່ານຮ້ອງເພງທີ່ມັກ ຫຼື ເຕັ້ນຢ່າງເມົາມັນໃນຕອນທີ່ ກໍາລັງອາບນໍ້າຢູ່!

Galaxy S7 Edge ອາດຈະບໍ່ແມ່ນສະມາດໂຟນທີ່ສົມບູນແບບ, ແຕ່ມັນສະແດງໃຫ້ເຫັນວ່າມັນເປັນໜຶ່ງໃນ ສະມາດໂຟນທີ່ມີຈຸດເດັ່ນຫຼາຍທີ່ສຸດ ຖ້າທຽບໃສ່ສະມາດໂຟນທີ່ເປັນຄູ່ແຂ່ງ. ບໍ່ວ່າທ່ານຈະຢູ່ເຮືອນ, ໄປທ່ຽວ ຫຼື ເຮັດກິດຈະກຳຕ່າງໆ,  Galaxy S7 Edge ແມ່ນເພື່ອນທີ່ດີທີ່ຈະຊ່ວຍໃນການເຮັດກິດຈະກໍາປະຈໍາວັນຂອງທ່ານ ໄດ້ແນ່ນອນ.

ເຂົ້າເບິ່ງ Samsung Galaxy ລຸ້ນຫຼ້າສຸດທີ່ຂາຍ ໃນເວັບໄຊ Yula.la ໃນມື້ນີ້!

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

Related Post