Who we are
Who we are

ຍິນດີຕ້ອນຮັບສູ່ yula.la - ເວັບໄຊທ໌ທີ່ຄົນລາວໃຊ້ໃນການຊື້ - ຂາຍອອນລາຍ!

ເປີດໃຫ້ນຳໃຊ້ຕັ້ງແຕ່ປີ 2012, ເຊິ່ງໃນປະຈຸບັນ yula.la ເປັນຜູ້ນຳດ້ານແຫຼ່ງຕະຫຼາດອອນລາຍ ແລະ ເວັບໄຊທ໌ໂຄສະນາສິນຄ້າໃນລາວ. ບໍ່ວ່າທ່ານກຳລັງຊອກຊື້ ຫຼື ຂາຍລົດມືໜຶ່ງ ຫຼື ມືສອງ, ອະສັງຫາ, ເຕັກໂນໂລຍີ, ອຸປະກອນຕົກແຕ່ງບ້ານ, ເຄື່ອງແຟຊັ້ນ, ອາຫານເສີມດ້ານສຸຂະພາບ, ສິນຄ້າເສີມຄວາມງາມ ແລະ ລູກນ້ອຍ, ຊອກວຽກ, ວຽກບໍລິການ , ຫາໝູ່, ຊອກວຽກເສີມ ຫຼື ເຕັມເວລາ, ສັດ ຫຼື ຜະລິດຕະພັນຫຍັງກໍຕາມ… ທ່ານສາມາດຊອກຫາໄດ້ທີ່ yula.la!

Yula.la ແມ່ນເວັບໄຊທ໌ບໍລິການໂຄສະນາແບບອອນລາຍໃນລາວ, ທີ່ສ້າງໃນລາວ ເພື່ອຄົນລາວ ເພື່ອອຳນວຍຄວາມສະດວກໃນການໃຊ້ຊີວິດປະຈຳວັນຂອງພວກເຂົາ ເພາະນີ້ຄືວິທີທີ່ດີທີ່ສຸດໃນການຊື້-ຂາຍ ສິ່ງຕ່າງໆໄດ້ທຸກທີ່ທຸກເວລາ ໂດຍນຳໃຊ້ພຽງມືຖື, ແທັບເລັດ ຫຼື ຄອມພິວເຕີ້. ສາມາດນຳໃຊ້ໃນເວັບໄຊທ໌ ຫຼື ດາວໂຫຼດແອັບຂອງພວກເຮົາໄດ້ທັງ IOS ແລະ android ໃນ App store ຫຼື play store.

Yula.la ແມ່ນຕະຫຼາດອອນລາຍທີ່ໃຫ້ທ່ານລົງໂຄສະນາສິນຄ້າບໍ່ວ່າຈະເປັນຂາຍ ຫຼື ເຊົ່າ ແລະ ຍັງສາມາດຄົ້ນຫາສິນຄ້າຕ່າງໆໃນເວັບໄຊທ໌ໄດ້ທົ່ວລາວ ບໍ່ວ່າຈະເປັນໃນເຂດບ້ານ ຫຼື ເມືອງ. ທ່ານສາມາດລົງໂຄສະນາຟຣີໄດ້ເລີຍທີ່ www.yula.la/sell - ຢ່າລໍຊ້າ, ລົງທະບຽນ ແລະ ໂຄສະນາສິນຄ້າຂອງທ່ານໄດ້ແລ້ວມື້ນີ້!

ຖ້າທ່ານຕ້ອງການຄວາມຊ່ວຍເຫຼືອ, ສາມາດສອບຖາມເຮົາໄດ້ທີ່ຊ່ອງສົນທະນາໃນເວັບໄຊທ໌ ຫຼື ສາມາດສອບຖາມໄດ້ທີ່ [email protected]la ແລະ https://www.facebook.com/yula.lao/ ຖ້າວ່າທ່ານກຳລັງຕ້ອງການເພີ່ມຍອດຂາຍທາງທຸລະກິດ ທາງທີມງານ yula.la ກໍມີແພັກເກັດໂຄສະນາທັງພາກທຸລະກິດ SME ແລະ ທຸລະກິດຂະໜາດໃຫຍ່ທີ່ຈະຊ່ວຍເພີ່ມກົນລະຍຸດທາງການຕະຫຼາດອອນລາຍໃຫ້ແກ່ທ່ານ! ເຊິ່ງທີມງານໃນວຽງຈັນຂອງເຮົາມີທີມງານທັງຄົນລາວ ແລະ ຕ່າງປະເທດຫຼາຍກວ່າ 15 ຄົນທີ່ຈະໃຫ້ບໍລິການດ້ານການຕະຫຼາດອອນລາຍ, ການຈັດງານ Expo, ສະໜັບສະໜຸນຝ່າຍຂາຍອະສັງຫາ, ໃຫ້ຄຳປຶກສາ ແລະ ເປັນຕົວແທນ.

ຜົນປະໂຫຍດຫຼັກທີ່ບໍລິສັດຂອງທ່ານຈະໄດ້ຮັບໂດຍນຳໃຊ້ບໍລິການຂອງພວກເຮົາເຂົ້າໃນຍຸດທະສາດການຕະຫຼາດ ແລະ ການຂາຍປະກອບມີ:

1) ເຈາະກຸ່ມລູກຄ້າທົ່ວປະເທດ ແລະ ຜູ້ຊື້ທີ່ມີສັກກະຍະພາບທີ່ກຳລັງຊອກຫາສິນຄ້າໃນ yula.la ຫຼາຍກວ່າ 3000 ຄົນຕໍ່ມື້. 2) ແນະນຳລູກຄ້າໃຫ້ໂດຍກົງຜ່ານໂຄສະນາໃນ yula.la, ມີການສອບຖາມຂໍ້ມູນລະອຽດໂດຍຝ່າຍພົວພັນລູກຄ້າຂອງພວກເຮົາ. 3) ເຮັດການຕະຫຼາດໂດຍຜ່ານການຄົ້ນຄວ້າ ແລະ ວິເຄາະຂໍ້ມູນ. 4) ຄວາມເຂົ້າໃຈເລິກເຊິ່ງກ່ຽວກັບຄວາມຕ້ອງການຂອງຕະຫຼາດສຳລັບຜະລິດຕະພັນ ຫຼື ບໍລິການຂອງທ່ານ, ໂດຍອີງໃສ່ກຸ່ມຜູ້ໃຊ້ຈຳນວນຫຼາຍຂອງ Yula.la. 5) ທຸກໆແຄັມເປນແມ່ນມີການລາຍງານໃນແຕ່ລະເດືອນ, ດັ່ງນັ້ນທີມການຕະຫຼາດຂອງທ່ານຈະເຫັນຜົນຕອບຮັບໃນການລົງທຶນ 100%. 6) ນອກຈາກນີ້, ພວກເຮົາຈະພະຍາຍາມເຮັດວຽກຢ່າງໃກ້ຊິດກັບຝ່າຍຂາຍຂອງທ່ານ ເພື່ອເພີ່ມປະສິດທິພາບຂອງພວກເຂົາໃນການຕິດຕາມລູກຄ້າ ແລະ ປະສົບຜົນສຳເລັດໃນການປິດການຂາຍ.

ບັນດາບໍລິສັດທີ່ໃຊ້ບໍລິການຂອງເຮົາປະກອບມີ ລາວ ໂທລະຄົມ, ປະກັນໄພ AGL, KTP group, AIDC, Toyota Service, Nissan Tan Chong, RMA Laos, Thatluang SEZ, Modern Lao Homes, FoodPanda Laos ແລະ ອີກຫຼາຍໆບໍລິສັດ.

ໂພສໂຄສະນາລາຍການຂອງທ່ານຟຣີ